Acetaria e pullina Sinensis
Acetaria e pullina Sinensis,[1] Anglice Chinese chicken salad, est ferculum Sanctae Monicae in urbe Californiae a popinaria Sylvia Wu inventum, suadente histrione cinematographico Cary Grant (quem iam virgo in Sinis habitans admiraverat).[2] Grant enim anno fere 1966 apud Wu's Garden cenaturo, de acetaria e pullina iactante quam in ganea iuxta La Cienega Boulevard recenter gustaverat, domina Wu ferculi non dissimilis olim ad epulas Sciamhaevenses inlati meminit e pullina contrita, collyris frictis, cepis viridibus, amygdalis tostis. Statim acetariam huius generis e novo composuit, a Cary Grant moxque ab Antonio Hopkins laudatam. Talis acetaria recentius ubique per Civitates Foederatas ad prandia infertur.[3] Tempore nostro Oriental chicken salad, Asian chicken salad ("Acetaria e pullina Orientalis" vel "Asiatica") nonnumquam nuncupatur.
Componuntur femora pullina bullita deinde oleo fricta et in offulas secta vel contrita, collyrae oleo cito fricta, wonton secta et oleo fricta, sinapi, pulvis quinque specierum, oleum sesaminum, soia, amygdala tosta, cepae virides concisae, lactucae folia, sal.
Notae recensere
- ↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
- ↑ Ho (2022)
- ↑ Dosti (1998); Rao (2022); Ho (2022)
Bibliographia recensere
- De historia
- Rose Dosti, "The Crimson Door Closes" in Los Angeles Times (11 Februarii 1998)
- Vivian Ho, "The Inventor of Chinese Chicken Salad Has Died at 106" (8 Novembris 2022) apud Saveur
- Tejal Rao, "Madame Wu’s Chinese Food Was Glamorous and Transformative" in New York Times (7 Octobris 2022)
- Praecepta culinaria
- 1973 : Sylvia Wu, Madame Wu's Art of Chinese Cooking (Monicopoli: Charles, 1973) p. 90 editionis 1976; Exemplar mutuabile editionis 1976 (sunt qui "Madam" loco "Madame" primam editionem intitulant)
- 1979 : Judith A. Gaulke, Linda Brandt, edd., Sunset Favorite Recipes for Salads (Menlo Park: Lane Publishing) pp. 35-36 Exemplar mutuabile
- 2006 : Akasha Richmond, Hollywood Dish: More Than 150 Delicious, Healthy Recipes from Hollywood's Chef to the Stars (Novi Eboraci: Avery) pp. 150-151 Exemplar mutuabile
Nexus externi recensere
- "Asian Chicken Salad ou Salade Asiatique au Poulet Vinaigrette au Gingembre et Sésame" (19 Aprilis 2015) apud La Fabrique Gourmande
- "Toasted Shredded Chicken Salad Sao See Gai" in "Happy Thanksgiving - Recipes From Madame Wu" (25 Novembris 2005) apud USC US-China Institute
- Perry Santanachote, "Stop Calling It Asian Salad" (20 Maii 2022) apud Consumer Reports
- Lindsay William-Ross, "The Best Chinese Chicken Salad in Los Angeles" (12 Martii 2013) apud LAist