Triangulum (constellatio)

Triangulum est constellatio non ita spectabilis caeli septentrionalis. Tribus e stellis constat, quarum una tertiae magnitudinis est. Sed etiam aliae stellae non tam lucidae huic constellationi insunt, e quibus Iohannes Hevelius Triangulum Minus constellationem fecit, quae res autem posteris non placuit ut Triangulum Minus non sit inter constellationes ubique acceptas.

Charta constellationis Trianguli

Triangulum iam inter 48 constellationes temporum antiquorum a Claudio Ptolemaeo commemoratas erat. Apud Graecos Trigonon vel Deltoton nominabatur. Nomen stellae Ras al Muthallath (quae secundum splendore locum tenet) Arabicae originis est, 'Caput Trianguli' significans.

In caelo Hemisphaerii Australis invenitur alterum triangulum, nempe Triangulum Australe appellatum.

Numeri excerpti sunt e mensionibus satellitis Hipparcos nominatae Hipparchos catalogue: query form apud archive.ast.cam.ac.uk.

Nebulae

In Triangulo Nebula Trianguli (M33) est, 23 centena milia spatiorum lucis annuae remota. Praeter Nebulam Andromedae proximus galaxias maior est. Una cum Nebula Andromedae atque Via lactea nostra necnon multis parvis galaxiis Turmam localem fingunt. Nebula Trianguli anno 1764 a Carolo Messier inventa est.

Stellae

Si plus cognoscere vis, vide etiam Stellae Trianguli.

Data sideris Trianguli
Nomen	Triangulum
Genetivus	Trianguli
Abbreviatio	Tri
Ascensio recta	1 h 31 min ad 2 h 51 min
Declinatio	+37° 20' ad +25° 35'
Area	132 gradus quadrati ordo: 79
Videri potest inter	-50° ac +90°
Numerus stellarum magnitudinis < 3m	1
Stella lucidissima, Magnitudo	β Tri, 3.0m
Constellationes finitimae (a septentrionalibus sensu negativo)	Andromeda Pisces Aries Perseus

Stella	Magnitudo	Magnitudo absoluta	Intervallum (sla)	Classis spectralis
β Tri	3,00	0.09	124	A5 III
Caput Trianguli (α Tri)	3.42	1,95	64	F6 IV
γ Tri	4,03	1.24	118	A1 Vnn
δ Tri	4,84	4.66	35	G0 V + M5 V
6 Tri	4,94	0.08	305	F4 V comp SB
14 Tri	5,15	-0.25	392	K5 III
7 Tri	5,25	0.48	293	A0 V
10 Tri	5,29	0.13	350	A2 V
12 Tri	5,29	1.90	155	F0 III
R Tri	5,30*	-2.70	1300	M4 IIIe - M8 e
15 Tri	5,38	1.40	204	M3 III
ε Tri	5,50	0.22	370	A2 V

^*In maximo splendore

Bibliographia

• Ridpath, Ian. "Triangulum". Ian Ridpath's Star Tales.
• Barentine, John C. "Triangulum Minus". In The Lost Constellations: A History of Obsolete, Extinct, or Forgotten Star Lore. Chamae: Springer, 2016.

Nexus externi

• "Triangulum^{[nexus deficit]}" apud Chris Dolan, The Constellations and their Stars
• "The Constellations" apud situm Internationalis Unionis Astronomicae

Constellationes nominibus Latinis digestae

Constellationes abbreviationibus digestae

Zodiacus