Philatelista (-ae, masc. et fem.) est homo qui pittacia cursualia amat et voluptatis causa eorum thesaurum constituit. Saepe philatelistae conveniunt ut pittacia inter se mutent seu emant venumque dent. Eius modi collectorum collegia primum in Britannia et ibi fortasse Aquis Sulis apparuerunt.

Pittacium cursuale Austriacum, 1935
Institutorium philatelicum Sigismundi Friedl Vindobonensis, anno 1889

Genera recensere

Occupatio mero modo in pittaciis colligendis consistere potest, quae iucunditas otiosa autem explorationes scientificas plures per se minime remittit. Cooperationes in societatibus et in conventiculis multis philatelistis quoque cordi est. Saepenumero munus istud avocamento est ad tempus terendum. Homines, quorum professio connexum cum notis cursualibus habet, saepe negotiatores sunt. Illis scientiae mirae in revera omnibus rebus ad cursualia pittacia attinentibus sunt, qui et bibliothecas speciales curant atque frequentant. Qui vice versa a multis ad res correcte aestimandas invitantur consulunturque.

Philatelistarum numerus in iuvenibus et adulescentibus valde descrescit, ut philatelistae aetatis saepe maioris sunt. Id a multis explicatur propter partes magis magisque negligendas, quae litterae classice datae in communicatione hodierna agunt.

Philatelistarum numerus in Germania trium milionum esse fertur, quorum numerus solummodo exiguus in associationibus philatelicis inscriptus est. Insuper sodalitatibus talibus haud facile est, ut iuniores fanaticos acquirant.

Bibliographia recensere

  • Beruf Philatelie – Berufsphilatelisten. Apud: Wolfgang Jakubek: Knaurs Briefmarkenbuch. Die ganze Welt der Philatelie. Droemer Knaur, Monaci etTurici 1976, ISBN 3-426-02244-3, p. 263-264
  • Der Philatelist in den Augen von Nichtsammlern. Apud: Briefmarkenspiegel. editio mensis Augusti 2008, p.32
  • Wolfgang Maassen: Handel im Wandel. Apud: Phila Historica 2/2018, p. 36–47; ibi tractatur occupatio professionalis temporibus variis comparatis
  Vicimedia Communia plura habent quae ad philatelistas spectant.