Oceanus Arcticus, vel Oceanus Septentrionalis, in Hemisphaerio Septentrionali et plerumque intra Arctica Poli Septentrionalis regione situs, est minimus humillimusque ex quinque orbis terrarum maioribus partibus oceanicis. Societas Hydrographica Internationalis eum oceanum agnoscit verum, quamquam nonnulli oceanographi eum Mare Mediterraneum Arcticum vel breviter Mare Arcticum appellant, mare mediterraneum vel grande Oceani Atlantici aestuarium describentes. Hae aquae invicem ut septentrionalissima Oceani Mundi pars videri possunt.

Oceanus Arcticus, paene omnino ab Eurasia Americaque Septentrionali circumclusus, a glacie marina omnem per annum partim (et hieme paene omnino) tegitur. . . .

• 19–23 Maii — Iuvenes Holmiae in urbe ob egestatem et munerum inopiam noctu tumultús concitaverunt ^{(The Guardian)}
• 22 Maii — Henricus Dutilleux, compositor Francicus, annum agens nonagesimum et septimum mortuus est ^{(The Guardian)}
• 21 Maii — Dominicus Venner, Francicus qui pro culturam Occidentalem atque contra matrimonium homophylorum necnon immigrationem Mussulmanorum scriptitavit, ad altare ecclesiae Nostrae Dominae Parisiensis sibi ictu pyrobolico mortem intulit ^{(The Guardian)}
• 20 Maii — turbo Moore in urbe Oclahomae viginti quattuor homines interfecit ^{(New York Times)}