Orestes

Vide etiam paginam discretivam: Orestes (discretiva)

Orestes (Graece Ὀρέστης) fuit filius Agamemnonis et Clytaemnestrae, frater Iphigeniae Electraeque. Cum Clytemestra coniugem e bello Troiano reversum interfecisset, Orestes ex Mycenis in Phocidem apud paternum hospitem Strophium fugit. cuius cum filio Pylade educatus est. Sed postea, ut mortem patris ulcisceretur, Mycaenas revertit, ubi Clytaemnestra et eius amasius Aegisthus regnabant. Dum regina hospitem eum salutat (quod nesciebat suum se filium salutare), Orestes ob necem Agamemnonis matrem necavit et deinde Aegisthum. Propterea Erinyes matricidam sequebantur, sed populus Athenarum eum a poena solvit.

Orestes atque Furiae a pictore Francogallico Hippolyto Berteaux picti.

Aeschylus trilogiam Oresteam de Oreste scripsit, in qua sunt tragoediae Agamemnon, Choephorpe, Eumenides.

Etiam Euripides tragoediam Orestes scripsit. Quin etiam eum in duas alias fabulas Electram et Iphigeniam in Tauris induxit.

Plura legere si cupis

• Henry S. Scribner, "The Treatment of Orestes in Greek Tragedy", The Classical Weekly, 1923ː 105-109

Nexus externi

Vicimedia Communia plura habent quae ad Orestem spectant.

• De Oreste in Harper's Dictionary of Classical Antiquities

Nexus interni

• Aeschylus