Naucratis
Naucratis (-is f.; Graece Ναύκρατις -εως) erat emporium Graecum in Aegypto antiqua, quae iacebat in regione triangula fluminis Nili 'delta' vocata ad ramum occidentalem Canopicum dictum. Naucratis septimo saeculo a.C.n., Psammeticho I rege, a Milesiis condita est[1]. Sub regno Ptolemaeorum Naucratis libertate fruebatur.
Historia recensere
Diu solus portus Aegyptiacus alienigenis apertus fuit ubi Graeci papyrum, linum, frumentum emebant vinum et oleum et vasa fictilia vendebant. Graeci primum ut mercennarii in Aegypto consederant ː nam tempore quo Psammetichus I tutelam Assyriorum reicere volebat Ionios et Carios milites legere per regem Lydiorum Gygen ei licuit. Pharao gratiam agens mox privilegia multa ad commercium maritimum spectantia Graecis concessit, a successoribus et aliis et in primis ab Amosi II confirmata. Nam Graecis magistratus sibi eligere et templa quibus suos deos colerent aedificare licebat.
Qui ibi nati sint recensere
Nonnulli eruditi Naucrati nati sunt, inter quos:
- Pollux lexicographus[2]
- Athenaeus auctor Deipnosophistarum[3]
Notae recensere
- ↑ Sic Strabo. Archaeologi praesentiam Graecorum septimo saeculo confirmant. At Herodotus templa a variis civitatibus Graecis in urbe consecrata describit.
- ↑ Philostratus, Vitae sophistarum 2.12 592-3
- ↑ Suda s.v. Athenaios
Fontes recensere
- Herodotus Euterpe 178-179
- Strabo Geographica XVII,1,18 et 23 et 33
Bibliographia recensere
- Ursula Höckmann (curatrix), Archäologische Studien zu Naukratis, Worms, Wernersche Verlagsgesellschaft, 2006-
- W. M. Flinders Petrie, Naukratis. Londinii, 1886 Textus interretialis
- Griechische Keramik des 7. und 6. Jhs. v. Chr. aus Naukratis und anderen Orten in Ägypten, Worms, Wernersche Verlagsgesellschaft, 2012
- Albert Leonard, Ancient Naukratis : excavations at a Greek Emporium in Egypt. Part I : The Excavations at Kom Ge'if ; Part II, The excavations at Kom Hadid, American Schools of oriental research, 2001 Recensio critica
- Astrid Möller, Naukratis: trade in archaic Greece. Oxonii: Oxford University Press, 2000. ISBN 0-19-815284-1
- Bérangère Redon, "L’identité grecque de Naucratis. Enquête sur la fabrication de la mémoire d’une cité grecque du Delta égyptien aux époques hellénistique et romaine", Revue des Etudes Grecques, 2012 ː 55 - 93