Iucunda
pictura quam Leonardus Vincius inter annos 1503 et 1506 fecit
Iucunda, usitatissime Mona Lisa appellata, est pictura olearia quam Leonardus Vincius inter annos 1503 et 1506 fecit. Haec imago, a rege Francisco I empta et in castello Ambaciae servata, ad rem publicam Francicam pertinet. Postea Fonte Bleaudi, Lutetiae et in Castello Versaliensi fuit. Post eversionem rerum novarum in Museum Luparense Lutetiae portata, mox autem a Napoleone I in cubiculum eius asportata est. Napoleone in exsilium expulso pictura in illud museum revenit. Anno 1911 clam a fure Italico, Vincentio Peruggia, sublata est. Quo de furto etiam poeta Apollinaire et pictor Picasso suspecti erant, sed innocentes abierunt. Anno 1913 tandem recuperata et in museum reportata est.
Bibliographia recensere
- Donald Sassoon, Mona Lisa: The History of the World's Most Famous Painting. Novi Eboraci: HarperCollins, 2001. ISBN 978-0-00-710614-1
Nexus externi recensere
|
Vicimedia Communia plura habent quae ad Iucundam spectant. |
 |