Iacobus Watt (vulgo James Watt, natus Greenock in Scotia die 19 Ianuarii 1736, mortuus Handsworth in Anglia die 25 Augusti 1819) fuit inventor, machinator, ac chemicus Scoticus, qui machinam vapore propulsam Thomae Newcomen emendans, suam machinam anno 1781 creavit, quae magni momenti fuit in conversione industriali Britanniae Magnae et totius orbis terrarum.

Wikidata Iacobus Watt
Res apud Vicidata repertae:
Iacobus Watt: imago
Iacobus Watt: imago
Iacobus Watt: subscriptio
Iacobus Watt: subscriptio
Nativitas: 19 Ianuarii 1736; Greenock
Obitus: 25 Augusti 1819; Heathfield Hall
Patria: Scotia

Familia

Genitores: James Watt; Agnes Muirhead
Coniunx: Ann McGrigor, Peggy Miller
Proles: James Watt, Margaret Watt, Gregory Watt, Janet Watt

Memoria

Sepultura: St Mary's Church
Birminghamiae: statua Iacobo Watt dicata pro bibliotheca Birmingham Central Library.

Ab anno 1756 in Universitate Glasguensi fabricator instrumentorum laborans, arti machinarum vaporariarum studere coepit. Hic sensit machinas quae erant saepius cylindrum refrigerando et calefaciendo nimiam energiam perdere. Watt novum instrumentum, condensatrum separatam, creavit, quod perditionem energiae vitavit et potestatem, efficientiam, pretium machinarum vaporariarum magnopere emendavit. Tandem machinam ad motum rotarium accommodavit, qui ei multos usus praeter aquam hauriendam dedit.

Watt suam inventionem vendere conatus est, sed difficultates incurrebat, donec societatem cum Matthaeo Boulton anno 1775 coiit. Nova societas Boulton et Watt successus prosperos habuit, et Watt dives factus est. Tandem a munere abscessus, nova instrumenta invenire perrecxit, sed nullum fuit tam grave quam machina vaporaria. Anno 1819 annos 83 natus mortuus est.

Watt notionem "potestatis equinae" (Anglice horsepower) creavit, et mensura potestatis in Systemate internationali unitatum, ex eo nominata est: vattium (Anglice watt).

Notae recensere


Bibliographia recensere

Nexus externus recensere

  • Biographia[nexus deficit] (Germanice)