Iacobus Chaban-Delmas

Iacobus Chaban-Delmas, nomine nativo Jacques-Michel-Pierre Delmas (Lutetiae natus die 7 Martii 1915; ibidem die 10 Novembris 2000 mortuus) fuit politicus Francicus.

Iacobus Chaban-Delmas

Res apud Vicidata repertae:

Iacobus Chaban-Delmas: imago

Iacobus Chaban-Delmas: subscriptio

Nativitas: 7 Martii 1915; Circumdarium XIII Lutetiae
Obitus: 10 Novembris 2000; Circumdarium VII Lutetiae
Patria: Francia
Nomen nativum: Jacques Michel Pierre Delmas

Familia

Coniunx: Micheline Chaban-Delmas

Memoria

Sepultura: Ascain

Filius ingeniarii et musicologae, Cellis in lyceo Lakanal educatus, alumnus fuit universitatis et scholae liberae scientiarum politicarum Parisiensium. Deinde diurnarius apud L'Information économique et financière operam dedit, sed anno 1939 studia apud scholam militarem specialem Saint-Cyr absolvit. Francia a Germanis occupata simul et magistratus iuxta regimen Vippiacense , et emissarius iuxta Franciam liberam egit, pseudonymo "Chaban" accepto quod postea sub specie agnominis adsumpsit.

Iacobus Chaban-Delmas militaris anno 1944 visus

Praefectus urbi Burdigalae anno 1947 electus, hoc officio usque in annum 1995 functus est. Eodem fere tempore legatus fuit conventui nationali a die 10 Novembris 1946 usque in 1997; cui conventui ter praesedit, a die 9 Decembris 1958 usque ad 20 Iunii 1969, iterum a 3 Aprilis 1978 ad 21 Maii 1981 et a 2 Aprilis 1986 ad 12 Iunii 1988. Minister a commeatu ab 1954 usque in anno insequenti et minister a munitione nationali a 6 Novembris 1957 usque in 14 Maii 1958 fuit, praeside Renato Coty. Primus Minister meruit, praeside Georgio Pompidou, a die 20 Iunii 1969 usque ad 5 Iulii 1972.

Bibliographia

• Patrick Chastenet, Philippe Chastenet, Chaban. Lutetiae: éditions du Seuil, 1991. ISBN 2-02-013535-3
• Bernard Lachaise, Gilles Le Béguec, Jean-François Sirinelli, Jacques Chaban-Delmas en politique. Lutetiae: Presses universitaires de France, 2007. ISBN 978-2130561385
• Gaston Marchou, Chaban-Delmas. Lutetiae: Albin Michel, 1969
• Jacques Mousseau, Chaban-Delmas. Lutetiae: Perrin, 2000. ISBN 2-262-01656-9
• Benoît Yvert, ed., Premiers ministres et présidents du Conseil. Histoire et dictionnaire raisonné des chefs du gouvernements en France (1815-2007). Lutetiae: Perrin, 2007

Nexus externi

• "Jacques Chaban-Delmas" apud Ordinem Liberationis

Primi ministri Franciae 1959–

Michael Debré 1959 • Georgius Pompidou 1962 • Mauritius Couve de Murville 1968 • Iacobus Chaban-Delmas 1969 • Petrus Messmer 1972 • Iacobus Chirac 1974 • Raimundus Barre 1976 • Petrus Mauroy 1981 • Laurentius Fabius 1984 • Iacobus Chirac 1986 • Michael Rocard 1988 • Editha Cresson 1991 • Petrus Bérégovoy 1992 • Eduardus Balladur 1993 • Alanus Juppé 1995 • Leonillus Jospin 1997 • Ioannes Petrus Raffarin 2002 • Dominicus de Villepin 2005 • Franciscus Fillon 2007 • Ioannes Marcus Ayrault 2012 • Manuel Valls 2014 • Bernardus Cazeneuve 2016 • Eduardus Philippe 2017 • Ioannes Castex 2020 • Elisabetha Borne 2022 • Gabriel Attal 2024 Opus geopoliticum • Porta Unionis Europaeae • Porta Franciae • Gubernatores civitatum Europaearum hodiernarum Capsae cognatae: Gubernatores civitatum sociarum Unionis Europaeae • Praesides Franciae • Praesides consilii Franciae 1871–1959 Ministri ab agricultura • a circumiectu • a cultura • ab eruditione • ab eruditione superiore • ab iustitia • a labore • a munitione • ab oeconomia • a rebus externis • a rebus internis • a valetudine

Praefecti urbi Burdigalae (1870–)