Hypanis[1] [2] (Graece ‛Ύπανις) seu Vardanus[3] vel Anticaeta,[4] nunc autem Cubanus,[5] vulgo Cuban[4] seu Kuban[2] (Russice Кубань, Karaczaevo-Balcarice Къобан, Cabardino-Circassice Псыжь, Adygeice Псыжъ) nominatur, flumen est in Caucaso Septentrionali Russico.

Hypanis (Cubanus)
Flumen Hypanis Crasnodaria in urbe
Longitudo 870 chm
Altitudo fontis 1339 m
Decursus aquae Crasnodariae 425 /s
Area systematis 57 900 chm²
Fons prope Elbrus
Ostium Palus Maeotis
Regio Cubania in Russia

Haec pagina de flumine, in Russia locato, explicat. Si aliud quaeris quod etiam "Hypanis" appellatur, vide Hypanis (discretiva).

Hypanis fluvius cum accolis suis

Prope Montem Elbrus confluxu fluminum Ullukam et Utschkulan oritur, 870 chiliometra per res publicas Karaczaevo-Circassiam et Adygeiam territoriaque Stauropolitanum et Crasnodarianum Foederationis Russicae patet, plus quam 14 milia accolas accipiens, et in Paludem Maeotidem prope Temrucum urbem se effundit, delta formans (quae ad saeculum undevicesimum alveum principalem in Pontum Euxinum influentem habebat). Regio historica, per quam fluit, secundum fluvium Cubania (Cuban, Kuban) appellatur. Teberda accola Hypanis est.

Čerkessk Karaczaevo-Circassiae caput et Armavirum et Kropotkin et Crasnodaria urbes ad Hypanim sitae sunt necnon Temrucum in ostio fluminis.

Notae recensere

Nexus externi recensere

  Vicimedia Communia plura habent quae ad Hypanim spectant.
  Situs geographici et historici: Locus: 43°27′40″N 42°5′46″E, 45°20′21″N 37°24′11″E • GeoNames • Store norske Lexikon • Treccani • Большая российская энциклопедия