Hydarnes
Hydarnes (Persiceː Vidarna), filius Bagabigna, fuit unus e septem nobilibus Persis qui anno 522 a.C.n. die 29 septembris magum Gaumata everterunt qui sub nomine supposito fratris Cambysis Bardya regnum usurpaverat. Ita effecit ut Darius regnaret.
De rebus gestis recensere
Primo regni anno multae seditiones ortae sunt (undeviginti proelia uno anno commississe sese iactabat Darius). Hydarnes a Dario exercitui praepositus est quem adversus regem Medorum Phraortem misit, qui e stirpe Cyaxaris sese iactabat esse Dariique imperium aspernabatur. Hydarnes victoriam die 12 Ianuarii 521 a.C.n. ad vicum Maruš rettulit, ut in inscriptione Behistunia narratur[1].
Ex tabellis Persipolitanis anno 499 a.C.n. satrapen Mediae et Armeniae adhuc fuisse apparet. Nec plura de eo accepimus.
De posteris eius recensere
Duo filii nobis noti suntː Hydarnes Minor qui anno 490 a.C.n. Xerxe regnante Immortalibus praeerat [2], hoc est cohorti praetorianae Persicae et Sisamnes qui satrapes Ariae fuit[3]. Satrapes Tissaphernes qui Decem milia in insidias adlexit erat filius nepotis Hydarnis.
Notae recensere
- ↑ II.24-25
- ↑ Polyhymnia 83.
- ↑ Polyhymnia 66.
Fontes recensere
- Inscriptio Behistunia II.24-25 et IV.68 Textus Anglice versus apud Livium.org
- Herodotus, Thalia 70-87
Plura legere si cupis recensere
- Josef Wiesehöfer, Der Aufstand Gaumātas und die Anfänge Dareios' I. Bonn, Habelt Verlag, 1978, ISBN 3-7749-1477-X Recensio critica