Gaius Galerius
Gaius Galerius (mortuus 31 aut 32) fuit eques Romanus cui imperator Tiberius praefecturam Aegypti inter annos 16 et 31[1] mandavit (diutissime enim ille princeps eosdem homines in eisdem provinciis relinquere solebat). Naufragio Romam rediens periit. Anno 16 Seio Straboni successit, anno 31 provinciam Vitrasio Pollioni tradidit. Gaius Galerius Helviam uxorem duxerat, materteram philosophi Senecae.
Notae recensere
- ↑ Hic numerus annorum non Aegyptiacis papyris sed Senecae testimonio nititur.
Fontes recensere
- Seneca, De Consolatione ad Helviam matrem 19.4-6.
- Plinius, Naturalis historia 19.3.
- Papyrus Oxyrhynchus 3807 [1]
- IGR I 1150
Plura legere si cupis recensere
- Arthur Stein, Die Präfekten von Ägypten in der römischen Kaiserzeit, Bernae, aedibus A. Francke, 1950. (Dissertationes Bernenses historiam orbis antiqui nascentisque medii aevi elucubrantes. Ser. 1, fasc. 1) ː 25 Recensio critica Alia recensio critica