Flora Russiae

Flora Russiae est summatio plantarum, quae in Russia excrescunt. Varietas condicionum climatis et humi atque effectus aevorum geologicorum priscorum et actionum hominum exsistentiam pangunt typorum multorum vegetationis, modo complexo combinatorum.

Flora Russiae plus quam undecim milia specierum plantarum vascularium, magis quam decem milia specierum algarum et circa quinque milia specierum lichenum habet. Species Angiospermarum florae Russicae, ut plurimum ad familias Asteracearum, Brassicacearum, Caryophyllacearum, Cyperacearum, Fabacearum, Poacearum, Ranunculacearum et Rosacearum pertinent.

Varietas biologica e septentrione ad meridiem crescit, in desertis tamen aliquantum decrescit, ariditatis causa. Praeterea, concentratio specierum plantarum e planitiebus ad montes incrementum capit.

Typi vegetationis

Via per silvam

Pratum prope silvam

Typi vegetationis, Russiae maxime proprii, sunt tundricus, silvanus, stepposus, desertus, pratensis et paluster.

Tundra

Plantae tundrae in condicionibus defectionis teporis crescunt, idcirco ad periodum vegetationis brevem accomodatae: sunt longaevae, staturae parvae et ad deminutionem exhalationis roris inclinatae (folia humilia etc. habentes). In tundra excrescunt Bryidae variae, Cladonia nonnulla, Cassiope, Dryas, Empetrum, Vaccinium vitis-idaea, Betula nana, Salix polaris, Papaver radicatum, Poa arctica, etc.

Silvae

Silvae 45 % territorii Russiae occupant, in ‘piniferas’ et ‘frondiferas’ divisae.

• Silvae piniferae circa 80% areae silvarum Russicarum formant. Eae in 'obscuras' (ubi arbores praevalentes sunt Picea, Abies seu Pinus sibirica) et 'claras' (ubi Pinus seu Larix praevalet) dividuntur.
• Silvae frondiferae divulgatae sunt in planitie Europaea Orientali, in parte meridiana Orientis Extremi Russici atque in partibus inferioribus montium Caucasi.

Steppae

In steppis crescunt consortiones herbarum, quae defectum roris in humo bene tolerant. Hae sunt, ut plurimum, Stipa, Festuca valesiaca, Koeleria, Fabaceae variae, etiam multae plantae pratarum. Actiones hominum ad floram steppae naturalem mutationes graves fecerunt: araturae pastureeque massalium causa, vegetatio stepposa incolumis nunc solum in vivariis invenitur.

Deserta

Deserta in Russia sita sunt solum in terris demissis prope Mare Caspium. Plantae zonae huius, radices grandes atque folia parva habentes, ariditati bene resistunt. Hae sunt, ut plurimum, Artemisia et Salsola.

Prata

In pratis consortiones plantarum herbosarum crescunt, quae in condicionibus irrigationis mediis expanduntur et fere omnes longaevae sunt.

Paludes

In paludibus, qui in Russia plerumque in Siberia occidentali locantur, plantae hydrophilae germinant, ad quas musci, fruticuli, plantae herbosae, etiam nonnullae arborum species pertinent.

Nexus externi

Vicimedia Communia plura habent quae ad floram Russiae spectant.

• Физическая география России и СССР. Почвы, растительность и животный мир = Geographia physica Russiae et URSS. Humi, vegetatio et fauna
• Растительный мир России. Распределение растений по территории страны = Flora Russiae. Distributio plantarum per territorium terrae
• Сведения о растительности России = Notitiae de vegetatio Russiae
• Большая энциклопедия России. Животный и растительный мир России = Encyclopaedia Russiae magna. Fauna et flora Russiae
• The Flora of Russia project (Russian federation) = Flora Russiae proiectum (Foederatio Russica)^{[nexus deficit]}