Dies Mortuorum (Hispanice el Día de Muertos) seu Lemuralia Mexicana, est dies festus Mexicanorum, maiores defunctos celebrans, qui diebus 1 Novembris et 2 Novembris, festis catholicis Omnium Sanctorum et Omnium Fidelium Defunctorum, observatur. Per totum Americam Latinam quae dicitur haec feriae passim celebrantur, sed non eo ut in Mexico.

Calvaria saccharina.

Celebrantes larvas ligneas in forma calvariae gravatas, quae "calacae" dicuntur, induunt, et cognatos defunctos saltando honorant. Altaria "offerendis" ornantur, quae possint esse vel photographiae, pannes, cibi, flores, crepundiae, et cetera.

Calvariae ex saccharo confinguntur, quarum in fronte nomen mortui inscriptum est. Ad coemeteria comitatur, quo sepulchra et cippi calthis et candelis ornantur. Crepundia in angelitos, parvulos mortuos, in adultos autem lagoenas potionum variarum ex agava vel massa maizia concoctarum afferunt. In lodicibus insidentibus, cibos defunctis gratissimos comedunt.

Cibi praecipui Diei Mortuorum sunt inter alios Panis Mortuorum, dulcis ex ovis, variis figuris confinctus, e.g. collyridum simplicum, calvariarum, cuniculorum.

Cum sit dies mortui dicatus, festum magno cum gaudio celebratur. Omnia sunt laeta: et scelati et diaboli.

Bibliographia recensere

  • Cadafalch, Antoni. 2011. The Day of the Dead. Korero Books. ISBN 9781907621017.
  • Carmichael, Elizabeth, et Chloe Sayer. 1991. The Skeleton at the Feast: The Day of the Dead in Mexico. The Bath Press. ISBN 0714125032.
  • Haley, Shawn D., et Curt Fukuda. 2004. Day of the Dead: When Two Worlds Meet in Oaxaca. Berhahn Books. ISBN 1845450833.
  • Lomnitz, Claudio. 2005. Death and the Idea of Mexico. Zone Books. ISBN 1890951536.