Cyperus papyrus

Vide etiam paginam discretivam: Papyrus

Cyperus papyrus, in lingua Latina antiqua papyrus, est herba familiae Cyperacearum, quae in paludibus crescit. Illa olim in Aegypto in Nili valle abundabat, ubi quaedam charta plana eiusdem nominis (vide Papyrum), in qua homines scribebant, ex medulla huius plantae antiquitus fiebat. In primis tamen cibus vilis erat, plebi acceptus ː nam Aegypti antiqui radicem et caulem eius sive cruda sive in aqua cocta sive in cinere assa libenter edebant et infantibus edenda praebebant. Cymbas quoque e papyro fecerunt.

Cyperus papyrus

---

Plantae — Magnoliophyta

Classis : Liliopsida 
Ordo : Cyperales 
Familia : Cyperaceae 
Genus : Cyperus 
Species : Cyperus papyrus 

Cyperus papyrus 
L.  

Hoc modo charta fiebat ː Cyperi papyri medulla, aerenchyma dicta, in ramenta finditur, ipsae percutiuntur, madefaciunturque ut mollioria fiant, schedas formans ad ipsas in plagulis percussatim conglutinandas (premendo donec siccatae sint).

Bibliographia

Fontes antiquiores

• 1592 : Prosper Alpinus, De plantis Aegypti ff. 42v-43

De charta papyracea

• Heinz-Eberhard Mahnke et al., "Virtual unfolding of folded papyri" in Journal of Cultural Heritage (31 Iulii 2019)

Nexus externi

Vicimedia Communia plura habent quae ad Cyperus papyrus spectant.

Vide "Cyperus papyrus" apud Vicispecies.