Constantinus Stephanopulus
Constantinus Stephanopulus, litteris Graecis Κωνσταντίνος seu saepius Κωστής Στεφανόπουλος (Patris natus die 15 Augusti 1926; die 20 Novembris 2016 mortuus Athenis in urbe) fuit politicus Graeciae. Alumnus fuit universitatis Athenarum ubi iuribus studuit. Sodalis factionis novae democratiae, legatus est apud parlamentum Graecum ab anno 1958 pro praefectura Achaia. Minister rerum internarum a mense Novembri 1974, minister servitiarum socialium a Septembri 1976, minister iuxta praesidem a Novembri 1977 usque in annum 1981 meruit. Praeses patriae anno 1995 electus est, quo officio usque ad 2005 functus est.
Bibliographia recensere
- Dimitris Nellas, "Former Greek President Constantine Stephanopoulos dies at 90" in Washington Post (20 Novembris 2016)
Nexus externi recensere
|
Vicimedia Communia plura habent quae ad Constantinum Stephanopulum spectant. |
 | |
|
Georgius Papadopulus 1973 • Phaedo Gizices 1973 • Michael Stasinopulus 1974 • Constantinus Tsatsus 1975 • Constantinus Caramanles 1980 • Ioannes Aleuras 1985 • Christus Sartzetaces 1985 • Constantinus Caramanles 1990 • Constantinus Stephanopulus 1995 • Carolus Papulias 2005 • Procopius Paulopulus 2015 • Catharina Sacellaropuli 2020 | |