Clitumnus
Clitunno
Fons Clitumni
Nomina
Nomina Latina Clitumnus (-i, m.)
Nomina Vulgaria Clitunno
Geographia physica
Longitudo 60 km
Area ex qua aqua affluit n.n. km²
Fons Pissinianum
Ostium Tinia
Geographia politica
Terrae Italia Italia
Regiones Umbria Umbria
Provinciae Perusina
Urbes principes Mevania
Tabula geographica

Clitumnus[1][2] (Italiane: Clitunno) est parvum flumen Italiae cuius totum cursum (60 km) Umbria regio continet.

Iam antiqui naturam et amoenitatem fontis fluminisque ipsius et regionis laetissima pascua praebentis perscripserunt. E. g. Iuvenalis in saturis[3] suis de tauro pingui his in pascuis nutrito scripsit. Saepicule color albus vel candidus pellium boum e fluctibus Clitumni bibentium praedicatur, ut Vergilius in laudibus suis Italiae[4] de albis gregibus scribens itemque Servius[5] testantur. De Clitumno abluente niveos unda boves etiam apud Propertium[6] legimus. Similiter et Silius Italicus in Punicis[7] suis Clitumnum affert patulis in arvis candentes gelido perfundentem flumine tauros. In epistula quadam[8] Plinius Minor hanc regionem descripsit tamquam locum amoenum.

Ita nec mirum est, si et poetae nostrae aetatis amoenitatem huius fluminis laudibus efferunt, ut e. g. Iosue Carducci anno 1876 in praeclaro carmine Alle Fonti del Clitumno, in quo legitur: "Salve, Umbria verde, e tu del puro fonte nume Clitumno!" (Italiane "Salve, Umbria viridis, et tu, puri fontis numen, Clitumne!")

Nexus interni

Nexus externus recensere

  Vicimedia Communia plura habent quae ad Clitumnum spectant.

Notae recensere

  1. Castiglioni, Aloisius; Mariotti, Scaevola. Vocabolario della lingua latina, latino-italiano, italiano-latino. Quarta editio a Petro Georgio Parroni curata (Taurini, 2007).
  2. J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3
  3. Iuvenalis, Satura 12,13
  4. Vergilius, Georgica 2,146
  5. Servius ad hunc locum 2,145
  6. Propertius, carmen 2,19,25
  7. Silius Italicus, Punica (Silius Italicus) 4,545 s.
  8. Plinius. Epistulae 8.8
 

Haec stipula ad flumen spectat. Amplifica, si potes!