C-base
c-base vel Latine basis c, locus est Berolini quo societas communibus utilis nomine « c-base e.V. » sedem habet et quae 550 sodales numerat. Nomen societatis tabulis publicis inscriptum est.
Societatis sodales propagant scientiam de rebus computatralibus velut de ordinatris, de armaturis electronicis, de programmatibus et de interrete. Aliis Berolinensibus civium societatibus quarum exempli gratia nomina vulgaria sunt Freifunk atque Chaos Computer Club nostra lingua fere "Conventus Computatralis Chaoticus" et Vicipaediae Berolinensi et igo lusoribus usus aularum offertur. Omnes qui similia propagant basis capacitatibus uti possunt.
Multa sodales agunt. Exempli gratia anno 2003 participaverunt conventui mundiali infantulorum ubi iuvenibus docebant de robotorum rebus technicis et de arte qua ordinatri ope effigies trium dimensionum designes.
Res gestae recensere
Autumo anni 1995 “c-base e.V.” Berolini septem decem sodalibus conditum est.
Quomodo sodales seipsos vident recensere
Magni momenti in societatis vita est mythus originalis. Sub media urbe Berolinensi dicitur stationis spatialis ruinas sub terrae solo iacere, cuius antemna adhuc solo eminet et qua nunc turri televisionis utuntur.
Stationis spatialis historia recensere
Secundum unam saltem versionem olim quadraginta quattuor centena decies centena milia annorum ante nostram aevum statio spatialis in terram delapsa est. In statione fuerunt et res quae artifiosissimae technologiae factae erant et animalia adhuc non explorata.
Interea hac de statione in Berolino moderno nonnullae reliquiae inventae sunt sicut stationis antemna qua nunc turri televisionis utuntur et statio multimodalis quae olim in casu detrusa erat. Ea nunc est locus et basis et societatis C. Exploratio reliquiarum, quae est ampla, adhuc non finita est.
Ordo stationis recensere
Basis C constat ex septem circulis qui idem punctum medium habent sed etiam diversis regionibus movi possunt. Modula igitur sunt quorum unocuique proprium munus adscriptum est. Nomina circulorum sunt, si ab intimo incipis: core, com, culture, creactiv, cience, carbon et clamp.
In circulo intimo nomine core est energiae centrum, ubi energia generatro creatur. Id generatrum olim ope artis technicae qua taeniola Moebiana utuntur amplissimam energiae copiam energeticam produxit. In ipso loco nunc operat basis ordinatrum centrale vulgo c-beam vocatum.
In circulo alio com sunt cosmoportus et communicationis armamenta, etiam communicationis modulum interstellare. Eius moduli naturam recentissime "Chaos Computer Club" cum invenit tum patefecit.
Circuli culture et creactiv et cience institutis culturalibus et creativis atque explarationi scientificae designati sunt. In circulo cience est etiam arboretum. Circulus carbon habitacula habet in quibus animalia carbonali basi viventia sunt. Denique circulus extimus clamp omnem stationem continet et stabilit.
Notione digna recensere
Usque ab anno 2004 in basis capacitatibus communitas vicipaediana Berolinensis terminis constitutis convenit.