Berberis

Berberis (-idis, f.) (ab Arabico برباريس barbārīs, a Barbarico أمبرباريس ʾambarbārīs)^[1] est genus 450-500 specierum fruticum floridorum in ordine Ranunculalium. Berberides sunt 1-5 metra altae, foliis aut deciduis aut semper viridibus, virgisque spinonis. Baccae quarundam specierum, imprimis B. vulgaris, eduntur aut ad cibos condiendos usurpantur. E cortice, praeterea, berberinum extrahitur, quo vestes tinguntur quodque medicamentum habetur. Berberides nativae sunt regionibus temperatis et subtropicalibus Europae, Asiae, Africae, Americae Meridionali Australique. Cognatissimae sunt generi Mahonia, cuius species interdum Berberidibus includuntur.