Antonius Musa

Antonius Musa fuit medicus et botanicus imperatoris Augusti. Anno 23 a.C.n. imperatorem graviter aegrotantem fomentis frigidis curavit; Augustus ad sanitatem restoratus simulacrum medici statuit iuxta aram privatam Aesculapii. Mox autem M. Marcellus aegrotans, Musa ad salutem restituere conato, mortuus est.

Antonius Musa

Res apud Vicidata repertae:

Antonius Musa: imago

Nativitas: 63 a.C.n.; Imperium Romanum
Obitus: 14 CE; Imperium Romanum
Patria: Roma antiqua

Vide etiam paginam fere homonymam: Antonius Musa Brasavolus

Frater Antonii Musae fuit Euphorbus, medicus regis Iubae, qui una cum fratre curationem aquarum frigidarum instituit. Musa etiam de herbis scripsit, si re vera a manu eius venit libellus De herba vettonica; de hac re eruditi dubitant.

Opera aut vera aut suppositicia

• De herba vettonica liber M. Vipsanio Agrippae dicatus
• De tuenda valetudine ad Maecenatem libellus Textus apud Monacenses

Fontes

• Dio Cassius, Historia Romana 53.30
• Plinius, Naturalis historia 19.128; 25.77.
• Suetonius, De vita Caesarum Augustus 59; 81.1.

Bibliographia

• Antonii Musae De herba vettonica liber; Pseudoapulei herbarius; Anonymi de taxone liber; Sexti Placiti liber medicinae ex animalibus etc. edd. Ernestus Howald, Henricus E. Sigerist. Lipsiae: Teubner, 1927. (Corpus medicorum latinorum, 4).
• The Old English Herbarium and Medicina de quadrupedibus ed. Hubertus Ioannes de Vriend. Londinii: Oxford University Press, 1984. (Early English Text Society, original series, 286.)