Anselmus Cantuariensis
Anselmus Cantuariensis (natus Augustae Praetoriae circiter 1033; obiit Cantuariae die 21 Aprilis 1109) fuit sanctus et doctor ecclesiae, quia illustris philosophus Medii Aevii fuit. Historici putant eum patrem scholasticae fuisse. Anselmus argumenta quo Deum ("aliquid quo nihil maius cogitari potest") esse probatur quaesivit.
Anselmus Cantuariensis
Obitus: 21 Aprilis 1109, 28 Aprilis 1109; Cantuaria
Patria: Francia
Familia
Memoria
Sanctus, sanctus (feriae die 21 Aprilis)
Ecclesia Catholica Romana celebrat Sanctum Anselmum die 21 Aprilis; praeterea papae Pii X encyclica epistula Communium rerum, die 21 Aprilis 1909 promulgata, Anselmo Cantuariensi et operi dicata est. Eius reliquiae ad Ecclesiam Cathedralem Cantuariensem translatae sunt.
Vita recensere
Anselmus, Augustae in Pedemontana regione ortus est circiter annum millesimum tricesimum tertium. A monachis Sancti Benedicti eruditus, vitam complecti monasticam voluit, de qua sententia, cum obstaret parens, parumper destitit. Cum viginti esset annorum, propter parentis contumaciam in statu vitae eius eligendo, domo relicta, Burgundiam, Galliam, et Normandiam peragravit. Vicesimum septimum agens annum, monasterium Beccensem in Gallia ingressus est, cui ut prior praefectus est, deinde ut abbas, anno millesimo sexagesimo. Anno millesimo nonagesimo Archiepiscopus Cantuariensis in Anglia creatus, contra Guilelmum Rubrum ecclesiae iura strenue vidicavit, bis propter hoc exsilio mulctatus. Inter omnes excelluit ut spiritalis moderator, paedagogus, praedicator, et vitae monasticae emendator. Propter ea, quae scripsit, scholasticam disciplinam quodammodo praeoccupavit. Cantuariae mortuus est, undecimo Kalendas Maias, anno millesimo centesimo nono. Anno millesimo septingentesimo vicesimo, ecclesiae doctoris titulo honoratus est.
Opera selecta recensere
- Proslogion
- Monologion
- Cur Deus homo
- De Grammatico
- De Veritate
- De Libertate Arbitrii
- De Casu Diaboli
- De Incarnatione Verbi
- De Conceptu Virginali
- De Concordia
Fontes de vita et opere Anselmi recensere
- Eadmer Cantuariensis, Historia novorum in Anglia
- Eadmer Cantuariensis, De vita et conversatione Anselmi
- Chronica Anglosaxonum
Notae recensere
- ↑ "St Anselm's Chapel Altar", Waymarking, Seattle: Groundspeak, 28 April 2012
Bibliographia recensere
- Editiones operum
- S. Anselmi Cantuariensis Archiepiscopi Opera Omnia 4, edita a Francisco Salesio Schmitt, Stuttgarti / Bad Cannstatt 1968, pag. 118f., 124f. (lat. Text).
- The Letters of Saint Anselm of Canterbury 2 (Cistercian Studies Series 97), editio curata a Walter Fröhlich, Kalamazoo 1993, pag. 177f., 184-186.
- Eruditio
- Jori, Alberto. 2005. "Die Paradoxien des menschlichen Selbstbewusstseins und die notwendige Existenz Gottes - Zu 'Cogitatio' und 'Intellectus' im Streit zwischen Anselm und Gaunilo." In Rationality from Saint Augustine to Saint Anselm. Proceedings of the International Anselm Conference—Piliscsaba (Hungaria) 20–23 Iunii 2002. C. Viola et J. Kormos ediderunt, 197–210. Piliscsaba.
- Schmidt, Martin Anton. 1983. "Anselm von Canterbury". In Mittelalter I. Gestalten der Kirchengeschichte 3. Martin Greschat edidit. Stuttgarti u.a..
- Southern, Richard William. 1990. Saint Anselm: A Portrait in a Landscape. Cantabrigiae.
- Vaughn, Sally N. 1980. "St. Anselm and the English Investiture Controversy reconsidered." In Journal of Medieval History 6:61–86.
- Aliae encyclopaediae
- "Anselm" in Encyclopaedia Britannica. 11a ed. (Sicagi, 1911) html djvu
- Friedrich Wilhelm Bautz, "ANSELM von Canterbury" in Biographisch-Bibliographisches Kirchenlexikon vol. 1 (Hammonae, 1975; reimpr. 1990. ISBN 3-88309-013-1) , columnae 182–184 (Theodisce)
- St. Anselm in The Catholic Encyclopedia: an international work of reference (Novi Eboraci: Appleton, 1907–1914) (Anglice)
- Thomas Williams, "Saint Anselm" apud Stanford Encyclopedia of Philosophy
Nexus interni
Nexus externi recensere
- Bibliotheca Augustana bibliotheca Augustana: Textus Sancti Anselmi Latine
- Tadeusz Grzesik, "Anselm of Canterbury". Textus Anglicus e Powszechna Encyklopedia Filozofii versus
- "Anselm" apud Internet Encyclopedia of Philosophy
