Anaximenes Lampsacenus

Anaximenes Lampsacenus

Res apud Vicidata repertae:

Nativitas: 380 a.C.n., 385 a.C.n.; Çanakkale
Obitus: 320 a.C.n.;

Anaximenes Lampsacenus (Graece Ἀναξιμένης ὁ Λαμψακηνός; Lampsaci natus; floruit medio saeculo 4 a.C.n.) fuit rhetor et rerum gestarum scriptor. Sophismate Lampsacenos ab ira Alexandri Magni tueri potuit atque huius beneficii gratia cives eius statuam Anaximenis Olympiae erexerunt. Peritissimus in scriptoribus imitandis habebatur ː ita Theopompi scribendi genus imitatus libellum de Lacedaemoniis et Thebanis et Atheniensibus male dicentem conscripsit et per Graeciam divulgavit, qui multam invidiam Theopompo fecit. Ex improviso dicere quoque docebat.

Opera

• Primae historiae sive Hellenica
• Secundae historiae seu Philippica
• Tertiae historiae seu De rebus Alexandri
• De mortibus regum
• De Homero
• Rhetorica ad Alexandrum (opus nobis servatum)

Fragmentum non spernendum septimi libri Philippicorum habemus siquidem Didymo credimus qui scribebat orationem ad Phiippi epistulam inde in Demosthenicum corpus translatum esse.

Bibliographia

• Helmut Berve, Das Alexanderreich auf prosopographischer Grundlage (Monaci: Beck, 1926) i.71 (vol. 2 pp. 35-37)
• Fridericus Dübner, Carolus Mullerus, edd., Arriani Anabasis et Indica; reliqua Arriani et scriptores de rebus Alexandri Magni; Pseudo-Callisthenis historia fabulosa (Parisiis: Didot, 1846) Textus fasc. 2 pp. 33-35 (vide pp. 403-405 versionis archive.org) (Graece, Latine)
• Felix Jacoby, Die Fragmente der griechischen Historiker (Lugduni Batavorum: Brill, 1923- ) no. 72 (fragmenta cum commentario Theodisco)
• Ludwig Radermacher, Artium Scriptores (Vindobonae, 1951) pp. 200-202 (fragmenta rhetorica)
• W. W. Tarn, Alexander the Great. Vol. 2: Sources and studies (Cantabrigiae, 1948)

Haec stipula ad biographiam spectat. Amplifica, si potes!