Albertus Roux
Albertus Roux, vulgo plene Albert Henri Roux (Senmuri in Burgundia natus die 8 Octobris 1935; mortuus die 4 Ianuarii 2021), filius porcinarii, fuit archimagirus Franciae et Angliae. Frater fuit natu maior Michaelis, pater Michaelis iunioris, patruus Alani Roux.
Albertus Roux
Obitus: 4 Ianuarii 2021; Londinium
Patria: Francia
Nomen nativum: Albert Henri Roux
Familia
Lutetiae apud legationem Britannicam laborabat; sed anno 1952 Angliam petivit ubi ope compatris (qui coquus iuxta Wallis Warfield Simpson Lutetiae merebat) tiro apud Nancy Astor in coquina villae Cliveden operam dedit. Coquus postea iuxta Carolum Clore Petrumque Cazalet interdum Lutetiae apud legationem Britannicam, etiam in Algerio iuxta exercitum Francicum coquus meruit. Londinii anno 1967 cum fratre tabernam Le Gavroche condidit, cuius inceptionem convivae Ava Gardner, Carolus Chaplin, Duglassius Fairbanks aliique famosi celebraverint. Ambo insuper tabernam The Waterside Inn Bray in oppido ad ripas Tamesis anno 1972 creaverunt, cuius coquinae ab anno 1984 Michael solus praesidebat, Alberto Le Gavroche taliter regente. Familia Roux omnium praecipua supremam artem Francorum culinariam in Angliam extendisse censetur.
Inter discipulos, qui iuxta eum in variis popinis laborabant, sunt Gordonus Ramsay, Petrus Koffman, Marcus Wareing, Marcus Petrus White, Sat Bains, Ricardus De Pra.
Scripta recensere
- 1983 (cum fratre) : New Classic Cuisine
- 1988 (cum fratre) : At Home with the Roux Brothers
Notae recensere
Bibliographia recensere
- Max Davidson, "Uninvited Guest: the Waterside Inn, Bray" in Daily Mail (23 Aprilis 2004)
- John Hind, "Seven ages of a chef: Albert Roux" in The Observer (18 Maii 2014)
- Tom Jaine, "Albert Roux obituary" in The Guardian (6 Ianuarii 2021)
- Jay Rayner, "Albert Roux's legacy goes far beyond his food" in The Guardian (6 Ianuarii 2021)
- Oliver Thring, "How the Roux family educated the British palate" in The Guardian (21 Aprilis 2010)
- Celia Walden, "Albert Roux interview: My recipe for success? Not going into the priesthood" in Dauly Telegraph (3 Aprilis 2010)