Genus activum accidit verbis Latinis. Secundum plerosque hodiernos grammaticos quoque est genus passivum et deponens.

Exempla latinae sententiae vel activae vel non activae:

Sententia puer matronam laudat tribus vocibus constat quae sunt :
– nomen substantivum puer, casus nominativi, subiectum sententiae ;
– nomen substantivum matronam, casus accusativi, obiectum sententiae ;
– verbum laudat, paradigmatis sine littera r, verbum sententiae.
Ubi obiecto casus accusativi uti potes et verbum sine littera r declinatur, verbum generis activi dictum est et sententia activa.

Sententia puer sermoni Latino studet quattuor vocibus constat quae sunt :
– nomen substantivum puer, casus nominativi, subiectum sententiae ;
– nomen substantivum sermoni et adiectivum Latino, casus dativi, obiectum sententiae ;
– verbum studet, paradigmatis sine littera r, verbum sententiae.
Ubi obiecto casus accusativi uti non potes et verbum sine littera r declinatur, verbum ab hodiernis grammaticis generis activi dictum est et sententia activa. Antiqui grammatici verbum neutrum vocabantur.

Sententia matrona a puero laudatur quattuor vocibus constat quae sunt :
– nomen substantivum matrona, casus nominativi, subiectum sententiae ;
– praepositio ab cum nomine substantivo puero, casus ablativi, actore sententiae ;
– verbum laudatur, paradigmatis cum littera r, verbum sententiae.
Ubi paradigma verbi litteram r accipit et verbum sine r exstat, verbum generis passivi dictum est et sententia passiva.

Sententia puer stylo utitur tribus vocibus constat quae sunt :
– nomen substantivum puer, casus nominativi, subiectum sententiae ;
– nomen substantivum stylo, casus ablativi, obiectum sententiae ;
– verbum utitur, paradigmatis cum littera r, verbum sententiae.
Ubi paradigma verbi litteram r accipit nec verbum sine r exstat, verbum generis deponentis dictum est.

Partes orationis
(Nomen) substantivum | (Nomen) adiectivum | Nomen numerale | Pronomen | Articulus | Verbum (temporale) | Adverbium | Participium | Coniunctio | Praepositio | Interiectio | (Particula)
Verbum (temporale)
Persona: Prima | Secunda | Tertia
Numerus: Singularis | Pluralis | Dualis
Genus verbi: Activum | Passivum | (Neutrum | Commune | Deponens)
Modus: Infinitivus | Indicativus | Coniunctivus | Imperativus | Optativus
Tempus: Praesens | Imperfectum | Perfectum | Plusquamperfectum | Futurum | Futurum exactum
Vide etiam: Gerundium | Supinum | Gerundivum